KABHER SITUBENDE EDISI 26 MARET 2016

BADAN PEMBERDAYAAN PEREMPUAN BEN ANAK SITUBENDE ADUKUNG BEDHENA KONGRES ANAK

BADAN PEMBERDAYAAN MASYARAKAT DAN PEREMPUAN OTABE BPMP KABBUPATEN SITUBENDE AFASILITASI BEDHENA KONGRES ANAK KANGGUY MAKOWAT FORUM NAK KANAK SE BEDHE EKABUPATEN SITUBENDEH SAENGHANA ADUKUNG BEDHENA UPAYA PEMENUHAN HAK PARTISIPASI NAK KANA DHELEM PEMBANGUNAN//

KEPALA BPMP KABUPATEN SITUBENDE AHMAD JUNAIDI LEBET SEKRETARIS BPMP SITUBENDE WIYONO AJHERBEAGHI KLABEN E SELENGGARA’AGHINA KONGRESANA PANEKA EYAREPAGHI NAK KANA JUGHEN BISA NYAURRAGHI PENDAPATEPON DHELEM PEMENUHAN DHA’ KA HAK HAK ANAK E KABUPATEN SITUBENDEH//

ABEKNA JUGHEN AJHERBE’AGHI JHE KEGIATAN SE ETORO’E KORANG  LEBBIH PETTONG POLO LEMAK NAK KANAK KASEBBUT E GELAR NING E RUANG AULA HOTEL ASRI KECAMATAN NAROKAN SITUBENDEH/ KEGIATAN KASEBBUT JUGHEN BEKAL DEDDHI WADAH NAK KANA DHELEM AJHERBHA’AGHI ASPIRASI TOR PENYAMPAIAN INFORMASI KANGGUY NAK KANAK E KOTTA SANTRI KASEBBUT//

MENOROT WIYONO NAK KANA KODUNA PAJET EBERRIK KESEMPATAN KANGGUY NGALAKONI PANSAPONAPAN KEGIATAN / KANGGUY BERKARYA BEN PAMARENTAH JUGHEN ANDIK KAWEJIBHEN ABERRIK PERHATIAN LEBBIH DHA’ KA NAK KANAK SE BEDHE E KABUPATEN SITUBENDEH// MANTAN KEPALA PERPUSTAKAAN BEN ARSIP DAERAH SITUBENDEH PANEKA JUGHEN AJHERBHE’AGHI JHA’ PON DHEDDHI KAWEJIBHEN PAMARENTAH DHERI PUSAT KANTS DAERAH KANGGUY ABERRIK RUANG TOR HAK ANAK SECARA PENUH//

TAK GUN KAKDINTO MENOROT WIYONO ABEKNA JUGHEN NGAREPPAGHI FORUM ANAK PANEKA E OMPAMA’AGHI PARLEMEN KANGUY NAK KANAK/ LAMON E DHISA BEDHE FORUM ANA MAKA HAL KASEBBUT DHEDDHI WADAH KANGGUY MENGARTIKULASIKAN OTABE MAKOMPOL PANSAPONAPAN PANGAREP NAK KANA SOPAJE NGAOLLE PERHATIAN DHERI PAMARENTAH//

ABEKNA JUGHEN NAMBHE’AGHI JHA’ KONGRES NAK KANAK KASEBBUT JUGHEN BISA DHEDDHI PELATIHAN KEPEMIMPINAN  SE KAEMMA EBEKTO NAK KANAK PON NGAOLLE SACEMACEMMA TUGAS KANGGUY DHEDDHI PAMEMPEN E DHELEM NEGGRI EYAREPAGHI NAK KANA PON SIYAP KANGGUY KA’ADHENA//

SATRESKRIM POLRES SITUBENDE TERROS ABHURU SALA SETTONG KOMPLOTAN CURANMOR

SATUAN RESERSE BEN KRIMINAL POLRES SATRESKRIM POLRES SITUBENDEH/ KANTOS SAMANGKEN TERROS ABHURU SALA SETTONG PELAKU CURANMOR OTABE TOKANG KECOKNA SAPEDA MOTOR DHERI KAEMPA PELAKU SE PON BERHASIL EYAMANNAGHI KLABEN TIM BURU SERGAP POLRES SITUBENDEH//

AKP RIYANTO KASAT RESKRIM POLRES SITUBENDEH AJHERBHEAGHI JHA’ ANGGOTANA ESAAT MANGKEN TERROS ABHURUI SALA SETTONG PELAKU SE EKAONINGI ANYAMA ARIF SE SAKBELLUNNA BERHASIL BURU EBEKTO ETANGKEPPA E SALA SETTONG COMPO TERSANGKA// SE KAEMMA SALA SETTONG DHERI KOMPLOTAN CURANMOR KASEBBUT JUGHEN ETANGKEP BEN EBHIGHER KLABEN PIHAK POLISI SA’AMPONNA NYOBA BURU EBEKTO ETANGKEPPA POLISI// TELLO TERSANGKA SE PON ETANGKEP KASEBBUT EYANTARANA RAMLI , JUMHARI BEN HARI SE KAMMA KATELLO ORENG KASEBBUT WARGA DHERI KECAMATAN MANGARAN BEN KECAMATAN KAPONGAN SITUBENDEH//

DHERI TERSANGKA SA’BELLUNNA POLISI JUGHEN PON MINTA BHERENG BUKTE SE BENNYAKNA SAGEMIK KENDARAAN SAPEDA MOTOR TOR PANSAPONAPAN ALAT KANGGUY ABUNGKAR KUNCI SAPEDA MOTOR AKADIYE KUNCI T// RIYANTO JUGHEN MADHEPAK JHA’ PIHK EPON BEKAL TERROS ABURU SALA SETTONG TERSANGKA SE GIK BURU KASEBBUT//

TOKOH MASYARAKAT BEGHIEN TEMOR MINTA POLISI MANTAU BEDHENA LOMBA DHERE

PARLOMBA’AN MERPATI OTABE DHERE SE BIASA EGELAR E PANSAPONAPAN WILAYAH KABUPATEN SITBENDEH DEDHI SOROTAN MASYARAKAT LANTARAN BEDHENA INDIKASI JHEK PARLOMBA’AN KASEBBUT JUGHEN EPADHEDDHI AJANG TAROAN PESSE OTABE JUDI//

SALA SETTONG TOKOH MASYARAKAT E KECAMTAN BENYOPOTEH BEN KECAMATAN ASEMBAGUS SE TAK PORON ESEBBUTAGHI ASMAEPON NGATORAGHI JHE E ARE SAMANGKEN BEKAL EGELAR LOMBA PETCEPPETTAN DHERE NGABBER E BETO AMPAR KECAMATAN BENYOPOTEH BEN E INDIKASIEGHI BEDHENA TAROAN PESSE E DHELEM LOMBA KASEBBUT//

MELA DHERI KAKDINTO TOKOH MASYARAKAT KASEBBUT JUGHEN MINTA DHA’ KA APRAT PENEGAK HUKUM SOPAJE BISA MANTAU JHELENNA PARLOMBAAN DHERE KASEBBUT SABEB MENOROTEPON LOMBA SAMACEM KASEBBUT SEGGUT EPADHEDDHI KESEMPATAN SARENG WARGA KANGGUY ATARO BEN TANTONA HAL KASEBBUT ARESSA’AGHI MASYARAKAT//

DHERI INFORMASI SE EKAOLLE REPORTER CAFÉ FM PARLOMBAAN DHERE SE BEKAL EGELA E WILAYAH TEMOR KABUPATEN SITUBENDE PANEKA BEKAL ETORO’E PANSAPONAPAN PESERTA DHERI PANSAPONAPAN DAERAH LAENNA AKADHIYE DHERI BHELI/ KABUPATEN MALANG/ BEN KOTTA KOTA RAJE LAENNA//

E DUGA SEGGUT BUCOR / LEGISLATOR MINTA TIKET MASOK PASIR PUTI AGHUNA’AGHI SISTEM ELEKTRONIK

ANGGOTA KOMISI DUWEK DPRD SITUBENDEH MINTA DHA’ KA SADHEJE PENGELOLA WISATA BAHARI PASIR PUTIH  SE BEHDE E KECAMATAN BUNGATAN EPENTA SOPAJHE AGENTE TIKET SECARA MANUAL DHEDDHI TIKET ELEKTRONIK KANGGUY AHINDARE BEDHENA KABUCORAN TIKET MASUK DHA’ KA WISATA PANTAI PASIR PUTIH KASEBBUT//

HADI PRIYANTO AJHERBHA’AGHI JHA’ PIHAKEPON AMPON JUGHE MADHEPA PANSAPONAPAN KALE DHA’ KA DIREKTUR PASIR PUTIH SELAKU PENGELOLA PERUSAHAAN DAERA SITUBENDEH KASEBBUT KANGGUY AGENTE TIKET MANUAL SE EGHUNA’AGHI SAMANGKEN DHEDDHI TIKET ELEKTRONIK/ SABEB MENOROT EPON KALABEN PAGGUN AGHUNA’AGHI TIKET MANUAL TAK NOTOP KAMUNGKINAAN BEKAL DEDDI KABUCORAN TIKET MASUK DHA’ WISATA BAHARI KASEBBUT//

HADI JUGHEN AJHERBA’AGHI LAMON AGHUNA’AGHI TIKET MANUAL BEN KADHDDIYEN KABUCORAN TIKET TANTONA HAL KASEBBUT BISA NYEBBABAGHI  TORONNA PENDAPATAN ASLI DAERAH OTABE PAD KANGGUY PAMARENTAH KABUPATEN/ MELA DHERI KAKDINTO POLITISI DHERI PARTAI DEMOKRAT KASEBBUT JUGHEN MENTA DHA’ KA PENGELOLA PASIR PUTIH SOPAJE AGHENTE SISTEN TIKET SEBEDHE KASEBBUT KLABEN SISTEM ELEKTRONIK//